Google ADS

Mbyti gruan pasi loja seksuale sado-mazohiste shkoi keq

01:45 | 25 Shtator 2017
Trina Galanxhi
Një shitës veturash nga Britania e Madhe ka deklaruar se e ka mbytur gruan e tij gjatë përdorimit të një loje seksuale sado-mazohiste që shkoi keq derisa po qëndronin në Spanjë, shkruan Daily Mail.
Për këtë britaniku pritet të dënohet me 20 vjet burgim.

Warren Lyttle, 52 vjeçar, ishte arrestuar në janar vitin e kaluar pasi kishte pranuar se e kishte mbytur gruan e tij Lisa Jane, 49 vjeçare, në shtëpinë e tij në Costa de la Calma në Majorka.

Ai kishte rrëfyer se ajo ishte asfiksuar për vdekje në lojën seksuale të cilën vet e kishte propozuar.

Por, prokurorët e rastit kanë deklaruar se nuk besojnë në versionin e treguar nga i akuzuari dhe se kanë dyshime të bazuara se ai e kishte mbytur gruan e tij me qëllim duke i mbështjellur për qafe një kabull telefoni në një sulm të befasishëm.

Rasti kishte ndodhur me 23 janar të vitit të kaluar dhe Warren Lyttle qysh prej atëherë mbetet në burg.

Siç raportohet, ai vet kishte thirru policinë dhe u kishte treguar se e ka mbytur gruan, më vonë kishte rrëfyer edhe se si kishte ndodhur ngjarja.

Miqtë dhe familjarët e qiftit kishin mbetur të shokuar. Ata u kanë thënë mediave se qifti nuk kishte kurrfarë probleme mes tyre dhe se jetonin të lumtur bashkë.

Shpërndaje në rrjete sociale

Lajmet më të lexuara

Të ngjashme

Foto lajm